मॅक्झिम गोर्की, अमृत बझार

व्यवसाय आणि त्यातील प्रगती या विषयावर युनायटेड नेशन्सतर्फे संमेलन घेण्यात आले. त्याचे अभिनंदन करण्यासाठी १ फेब्रुवारी १९६८ रोजी युनायटेड नेशन्सचे सांकेतिक चिन्ह, विमान आणि जहाज ही चिन्ह टाकून तिकीट प्रकाशित करण्यात आले. हिरवट निळसर रंगातील या तिकीटाची किंमत १५ पैसे आहे. ‘अमृत बझार पत्रिका’ या वर्तमानपत्राला शंभर वर्षे पूर्ण झाल्याबद्दल त्यांच्या शतक महोत्सवानिमित्त २० फेब्रुवारी १९६८ रोजी पोस्टाचे तिकीट काढून त्यांचे अभिनंदन करण्यात आले. सेपिया, नारिंगी पिवळ्या रंगात छापलेल्या या तिकीटाची किंमत १५ पैसे आहे. २८ मार्च १९६८ रोजी मॅक्झिम गोर्की यांच्या स्मरणार्थ तिकीट काढण्यात आले असून प्लम रंगात छापलेल्या या तिकीटाची किंमत १५ पैसे आहे.